Este domingo 15 de outubro ás 19:30 horas proxectarase no Auditorio Municipal de Nigrán o documental “Rebeldía Centroamericana”, unha longametraxe de Plataforma Global que retrata as loitas das organizacións xuvenís na rexión.
O documental busca identificar e visibilizar as principais razóns polas que as mocidades na rexión organízanse, as diferentes loitas, os retos aos que se enfrontan e evidenciar as débedas dos estados. Ademais, o obxectivo principal é transmitir a relevancia da organización xuvenil en Centroamérica, dándolle voz ás mesmas mocidades que non contan con plataformas para expresar os seus medos, experiencias e esixencias.
Entre as loitas das mocidades que se mostran no documental atópase a violencia contra as persoas da comunidade LGBTIQ, os desafíos dos pobos orixinarios no Salvador e Guatemala, as esixencias dos colectivos feministas, a loita estudantil na rexión e a importancia do activismo.
Plataforma Global é a rede de ActionAid para o activismo liderado por mozos. Apoian movementos, redes de mozos, organizacións e individuos que promoven cambios sociais, políticos e económicos progresivos en todo o mundo. A través do desenvolvemento de capacidades e o apoio a diversas iniciativas lideradas por mozos, buscan promover aos mozos como impulsores do cambio cara a un mundo máis xusto, sostible e democrático.
