A Asociación de Veciños Castro e Ladeira da parroquia de Santa Cristina da Ramallosa presentou o pasado sábado na súa sede do Centro Antena (Casa Rosa) de Sabarís as actividades a desenvolver durante o segundo semestre de 2023. A pesares do pouco axeitada da cita, un sábado pola tarde e o bo tempo reinante, ata alí achegáronse moitos veciños para se informar dos cursos e demais actividades previstas pola asociación para satisfacer as inquedanzas dos seus asociados. Ofrecen manualidades, informática, música tradicional, zumbabaila, pilates, inglés e teatro. Máis información no teléfono 636191016 ou a través do correo castroeladeira@hotmail.es.
