A Asociación Käfer Galicia organiza os días 7 e 8 de outubro o I Encontro Internacional Volkswagen Aircooled Vigo-Monteferro-Baiona. O programa ten prevista a saída en caravana dos coches participantes o sábado 7 de outubro desde Montero Ríos, seguindo por Colón, con percorrido polas rúas máis céntricas da cidade de Vigo cara ao Monte do Castro. Logo a comitiva visitará Castrelos e fará un circuíto turístico pola cidade. O domingo día 8 inician a ruta en Cabo Silleiro e rematarán na Serra da Groba. A organización espera convocar 100 Volkswagen refrixerados por aire, de todas as épocas, provenientes de toda a xeografía española, do país veciño Portugal e de diferentes lugares de Europa.
Vigo, Nigrán e Baiona, escenario do I Encontro Internacional Volkswagen Aircooled
