O Mes da Memoria, que todos os anos o IEM realiza por estas datas, comeza o venres 29 de setembro ás 20:00 horas no local do IEM coa presentación do libro gañador do I premio de investigación Val de Miñor. Trátase da obra “O Val de Miñor durante a segunda república (1931-1936)” da autoría de José Luís Mosquera Veleiro. O acto será presentado por Carlos Méixome, historiador e ex director do IEM, e o doutor Julio Prada, que dirixiu a tese de doutoramento que deu lugar á obra que será presentada neste acto.
PRÓXIMAS DATAS
O Mes da Memoria continuará coa presentación de “Os Lobariñas Feixoo. Luz e memoria nos Séculos Escuros”, obra de Perfecto Ramos Rodríguez o día 6 de outubro ás 20:00 horas no Multiusos de Sabarís, presentado por Anxo Rodríguez Lemos, doutor en historia e membro da xunta de goberno do IEM. O día 27 de outubro ás 20:00 horas Roberto Mera co seu libro “Alejandro Viana. Un galego á fronte do rescate dos refuxiados republicanos”. Presentará o acto a escritora e xornalista Montse Fajardo.
