O barrio da Xunqueira, na parroquia gondomareña de Borreiros, celebra as festas na honra da Virxe da Luz. A programación arrancará o venres 8 de setembro con Pavlee e La Vera Notte. O sábado día 9 ás 12:00 do mediodía celebrarase a Misa Solemne seguida de procesión acompañada polo grupo de gaitas Cores do Sobreiro. Ás 17:00 horas terán lugar as tradicionais “poxas”, e pola noite, a partir das 22:30 horas, a verbena estará amenizada polo grupo D’Líder e M-3 Show.
