Praia América celebra esta fin de semana as grandes festas na honra da Virxe do Carme. Arrancarán o sábado 29 de xullo coa actuación do grupo Ritmo e DJ Luismi.
O domingo 30 a programación comezará ás 10:00 da mañá coa entrada e o pasarrúas da Banda de Música Unión Musical do Val Miñor. Ás 12:15 do mediodía comezará a Misa Solemne no campo de fútbol de Lourido seguida de procesión acompañada pola mesma Banda de Música. Pola noite, a verbena estará amenizada por La Banda de Ayer e a gran orquestra canaria Furia Joven.
O luns 31 de xullo ás 17:00 horas celebraranse as grandes cucañas para os nenos. Pola noite, a verbena correrá a cargo das orquestras Los Player’s e La Fórmula. Ás 00:00 horas será a gran tirada de fogos de lucería.
O martes día 1 a verbena comezará ás 22:30 horas coa orquestra París de Noia.
