A parroquia nigranesa de Parada celebra os días 24, 25 e 26 de xullo as festas na honra de Santiago e Santa Ana. A programación comezará o luns 24 coa Festa da Xuventude, na que actuará un DJ.
O martes día 25 ás 10:30 da mañá fará a súa entrada a Banda de Música Agrupación Musical de Vincios. Ás 12:00 do mediodía comezará a Misa Solemne na honra de Santiago Apóstolo seguida de procesión acompañada pola citada Banda, que ofrecerá un concerto ao finalizar. Pola noite, a partir das 22:00 horas, o grupo Ritmo e o trío D’Líder amenizarán a verbena.
O mércores 26 ás 10:30 da mañá fará entrada a charanga Va K Pinta. Ás 12:00 do mediodía celebrarase a Misa Solemne na honra de Santa Ana. Pola noite, a orquestra Miramar amenizará a verbena. O fin de festa correrá a cargo dun DJ.
