A Garda Civil investiga a unha persoa por un presunto delito de malos tratos animais e outro de denuncia falsa. O pasado 10 de xullo recóllese denuncia no cuartel da Garda Civil de Baiona a un veciño da localidade que manifesta que a tarde anterior varios vehículos atropelaron e mataron o seu can, sen chegar ningún a parar para socorrelo. Os feitos ocorreron no lugar de Sabarís, Baiona, á altura dun hotel da localidade.
Realízanse xestións e pódese comprobar que o animal morreu como consecuencia dos golpes que lle propinou o seu propio dono. Por iso procédese á súa investigación como suposto autor dun delito de malos tratos animais e outro de denuncia falsa a este veciño de Baiona, de 50 anos, coñecido polos seus múltiples antecedentes tanto policiais como penais perpetrados na zona. As dilixencias son remitidas ao Xulgado de Instrución de Garda de Vigo.
