Baiona celebra esta fin de semana a festividade da Virxe do Carme, patroa dos mariñeiros. O venres 13 e o sábado 14 de xullo, o porto pesqueiro acollerá os concertos “O Carme” 2023. As actuacións comezarán ambos os dous días ás 21:30 horas, con Los del Barro e Rafitta DJ Session o venres e Copa Rota e Rafitta DJ Session o sábado.
O sábado celebrarase a Misa de Campaña na honra da Virxe do Carme, ás 17:00 horas na zona portuaria. Ao finalizar terá lugar a homenaxe ao mariñeiro de maior idade e a mariscadora máis veterana do municipio. Despois, os membros da Danza das Espadas lles dedicarán a ambos o tradicional baile, e a continuación terá lugar a procesión marítima. Finalmente, a imaxe da Virxe do Carme será trasladada á Capela da Misericordia, acompañada no percorrido pola Banda de Música de Baiona.
O domingo día 16 celebrarase a Misa Solemne na Igrexa de Santa María de Baiona cantada polo Coro de Homes “Voces Baionesas”. A continuación, terá lugar a tradicional procesión polas rúas do casco vello acompañada pola Banda de Música de Baiona, para finalizar co baile da Danza das Espadas.
