Unhas 500 persoas déronse cita na tarde deste mércores no lateral da Igrexa de San Bieito de Gondomar nas poxas de San Antonio, levadas a cabo por Carlos Riveiro. A Virxe do Pilar, bendicida por un cóengo da Basílica do Pilar de Zaragoza e doada por unha familia de Zaragoza que vén todos os anos de vacacións a Gondomar, foi poxada en 100 euros. Un xamón en 80 euros e a folla de bacallau de tres quilos en 60 euros. Os asistentes tamén puideron adquirir plantas por entre 20 e 30 euros, coellos por entre 30 e 50 euros, galos por entre 40 e 50 euros ou unha parella de periquitos por 50 euros.
