O Partido Popular de Nigrán, a través da súa portavoz María José Pino, manifesta a súa estupefacción e rexeitamento frontal ante a subida xeneralizada das retribucións dos membros da corporación socialista do Concello de Nigrán, aprobada de maneira unilateral no pleno extraordinario celebrado este venres 7 de xullo. Desde o grupo municipal popular considérase escandaloso que a contía total das retribucións do equipo de goberno pase de 189.000€ anuais na lexislatura 2019-2023 a 247.000€ na actual, o que supón un incremento dun 31% do gasto.
“Resulta rechamante que desde a corporación municipal socialista escúsense na falta de orzamento para afrontar gastos necesarios para os veciños e veciñas do municipio e ao mesmo tempo non teñan problema en revalorizar as retribucións dos dous tenentes de alcalde nun 13,8%, dos concelleiros con dedicación parcial nun 33,3% ou da secretaria de alcaldía e da responsable de comunicación nun 7,14% e un 55% respectivamente. Non suficiente con este incremento, o número de dedicacións parciais aumentou de 4 a 5, algunhas delas con adxudicación de áreas para as que o Concello nin sequera ten competencias e persoal asignado”, critican desde o PP.
Para máis inri, a portavoz municipal do Partido Popular lamenta a actitude mostrada polo alcalde Juan González e o grupo socialista, que non atenderon ningunha das suxestións e queixas expostas polos grupos municipais durante a celebración do pleno extraordinario deste venres, “aplicando un rodete que pon de manifesto que a forma autoritaria de goberno por parte do actual alcalde non ten visos de cambiar ao longo destes próximos 4 anos”. Nesta liña, Pino denuncia o feito de que se suprimiu a Comisión de Urbanismo, o que a efectos prácticos limita a capacidade de fiscalización dos grupos da oposición nun ámbito crave para o municipio, especialmente no momento no que a aprobación provisional do PXOM suponse “inminente” segundo o alcalde. Con esta modificación, o grupo popular denuncia que aspectos clave como a ordenación do chan, construcións e demais quedarán suxeitas á aprobación ou rexeitamento unilateral por parte do goberno.
