A parroquia gondomareña de Vilaza celebra esta fin de semana as festas na honra de San Antón e O Señor. O venres 30 de xuño ás 22:30 horas comezará o programa previsto coa actuación do grupo Ritmo e o trío Tic Tac. O sábado 1 de xullo ás 19:00 horas terán lugar as tradicionais “poxas” de San Antón. Ás 20:30 horas celebrarase a Santa Misa e pola noite, a verbena estará amenizada pola orquestra Costa Blanca e o trío Rever. O domingo día 2 ás 12:15 horas comezará a Misa Solemne seguida de procesión, acompañada pola charanga Imperiais, que ofrecerá un concerto ao finalizar. As tradicionais cucañas, que darán comezo ás 17:00 horas, pecharán as festas.
Vilaza celebra as festas de San Antón e O Señor
