O alcalde de Baiona, Jesús Vázquez Almuiña, deu a coñecer a nova estrutura do Equipo de Goberno e a repartición de áreas entre os seus 11 concelleiros e concelleiras. Policarpo Vilar Misa asumirá a Concellería de Cultura e Accesibilidade, ademais do cargo de Primeiro Tenente de Alcalde. José Ángel Bahamonde Rodríguez será Concelleiro de Urbanismo, Vivenda, Infraestruturas e Patrimonio, ademais de Segundo Tenente de Alcalde.
Ruth Álvarez González será a responsable da Concellería de Medio Ambiente, Xardíns, Festexos e Xuventude. Ana María Iglesias Rodríguez ocupará o cargo de Concelleira de Deportes, Política Social e Asociacionismo. Gonzalo Pérez Barreiro asumirá a Concellería de Vías e Obras. Sheila María González Martíns será a Concelleira de Turismo e Igualdade. Nuria Leyenda Gómez levará a Concellería de Educación.
José Manuel Rodríguez Fernández será Concelleiro de Mercados, Comercio e Medio Rural. Joaquín López Goce asumirá a Concellería de Pesca, Marisqueo e Actividades Marítimas. David González Misa será o responsable da Concellería de Tecnoloxías, Comunicación e Enerxía.
O alcalde, Jesús Vázquez Almuiña levará tamén as áreas de Economía Azul, Traballo, Persoal, Seguridade Cidadá e calquera outra que non figure expresamente.
