O pasado día 15 do actual mes, patrullas do Destacamento de Tráfico da Garda Civil de Lalín, durante un control levado a cabo no km. 27,500 da autoestrada AP-53, termo municipal de Silleda, deron o alto a un camión de gran tonelaxe, cuxo condutor, de nacionalidade búlgara, de 56 anos, deu positivo en proba de alcol, cun resultado de 0,34 mg/l en aire expirado, duplicando a taxa máxima permitida para este tipo de vehículos que é de 0,15 mg/l.
O feito implica unha infracción moi grave, que supón unha sanción de 1.000 € (500 € coa redución do 50%), así como unha detracción de seis puntos do seu permiso de condución, sendo inmobilizado o vehículo no lugar ata que desapareceron as causas que motivaron dita inmobilización.
