Un grupo representativo de familias con cans de Nigrán acudiu ao pleno extraordinario celebrado este mércores no Concello coas súas mascotas. Instan o goberno a implantación dun horario de acceso ás praias do municipio en época estival para estes animais domésticos. Solicitaron ao Alcalde que os cans accedan aos areais en horario de sete a nove da mañá, e de dez e media a doce e media da noite, evitando as horas de máis afluencia nas praias, ao que o rexedor deu a calada por resposta.
Este colectivo de cidadáns considera que os espazos de praia que actualmente están designados para cans non son os axeitados e que os Concellos teñen plena competencia para establecer normas baseadas na salubridade e convivencia polo que teñen potestade para establecer este horario. Anuncian próximas medidas de non ser escoitados.
