Este domingo ás 11:30 horas tivo lugar a saída da 54ª edición do Descenso Internacional do Miño en Ourense, cun percorrido de 17 km desde Os Peares ata a presa de Velle en Oira. Esta regata, que forma parte das ligas galegas, contou coa participación de máis de 300 deportistas representando a 28 equipos nas categorías sénior, xuvenil, cadete e veterano tanto masculina como feminina.
Na proba de K-2 xuvenil 7500, a dupla formada pola baionesa Iria Ludeña e a tudense Irea Alonso, do Club Kayak Tudense, levou o primeiro posto. A segunda posición foi para Candela Sánchez e Lorena Pais, do Club Piragüismo Ribeiras do Tambre, mentres que o terceiro posto foi para Nerea Rodríguez e Yara Moreda, do Club Piragüismo Río Verdugo.
