A agrupación política de Podemos en Baiona celebrará o seu último acto de campaña na parroquia de Santa Cristina da Ramallosa, no Multiusos de Sabarís, mañá mércores 24 de maio, ás 19:30 horas.
O formato de dito evento está pensado para que calquera veciño ou veciña que queira achegarse a preguntar e coñecer as propostas programáticas e aquelas accións que se levaron a cabo durante os últimos 4 anos, poida facelo.
Agustín Silva, candidato de Podemos en Baiona remarca que “queremos convidar á veciñanza a achegarse a este acto e que esta pregunte polas súas inquedanzas, sen discursos e coa verdade e programa por diante”.
