Esta fin de semana celebrouse a II Copa de España de Sprint Olímpico no encoro de Verducido. A baionesa Iria Ludeña, xunto coas súas compañeiras do Kayak Tudense Uxía Rodríguez, Irea Alonso e Daniela Álvarez, proclamouse subcampioa de España na modalidade de K4 500m. Lograron o segundo posto na final cunha marca de 00:01:47,11. O equipo do Club Deportivo Piragüismo Tartessos de Huelva, formado por Araceli del Mar Alonso, Laura Franco, Marina Real e Daniela García, proclamouse campión cun tempo de 00:01:45,54, mentres que as integrantes do Club Piragüismo Verducido Pontillón, Marta Carles, Verónica Rodiño, Ánxela Fontán e Carmen Ventura, completaron o podio en terceira posición.
