O alcalde socialista de Nigrán e candidato ás eleccións municipais do 28 de maio, Juan González, continúa esta semana coa presentación da súa nova candidatura polas parroquias con Panxón o venres 19 de maio (20:30 horas no local da Asociación de Veciños) e o domingo 21 en Chandebrito (12:00 horas no bar da rúa Igrexa). As seguintes citas serán o xoves 25 ás 20:30 no Centro Cultural “A Camoesa” e o venres 26 ás 20:30 horas a clausura da campaña na Alameda da Ramallosa. Nestes encontros o rexedor explica máis polo miúdo os investimentos previstos para cadansúa parroquia e presenta un a un á lista que o acompaña.
