A parroquia gondomareña de Couso celebra esta fin de semana as festas na honra da Virxe dos Remedios. A programación comezará o venres 19 de maio cun gran festival de DJ’s con Ganxx, Yogüi, Nuch Marino, Blue Sea e Rafitta desde as 22:00 horas.
O sábado día 20 ás 11:00 da mañá celebrarase a Misa Solemne con Sermón seguida de procesión acompañada pola Banda Metropolitana de Acordeóns. A continuación haberá sesión vermú e porco ao espeto acompañada pola mesma Banda. Pola noite, desde as 22:00 horas, a verbena estará amenizada por La Noche de O Grove e Ritmo.
O domingo 21 de maio ás 12:00 do mediodía celebrarase a Misa Solemne na honra da Virxe dos Remedios seguida de procesión acompañada pola charanga Vai de Baile.
