A semana pasada disputáronse en Salamanca os Campionatos de España Universitarios nos que participou representando á Universidade de Santiago o ex laroqueiro Artai Bringas e agora defendendo as cores do conxunto ourensán do Pereiro de Aguiar, club de xadrez Benchoshey. O gondomareño proclamouse campión de España na categoría de Lóstrego, partindo da posición 27 dos máis de 100 xogadores representando ás universidades españolas, con oito vitorias e unha soa derrota.
Por outra banda o equipo da Universidade de Santiago proclamouse campión de España, equipo do que forma parte Artai, xunto con Julio Suárez, que proclamouse campión de España individual na modalidade de rápidas por segundo ano consecutivo, Alberto Portela e Luis Guerrero.
