Dende o Concello de Gondomar queren promover o desfrute de ler e achegar os libros á mocidade. O 23 de abril é o Día do Libro, e aproveitado esta data, queren que a mocidade atope ese libro que o vai marcar e que grazas a el vaille tomar o gusto á lectura. Poder coñecer a forza que dá un libro ou atopar ese refuxio que dá a lectura é o obxectivo que se marcan no Concello de Gondomar, facendo o mellor agasallo á mocidade, un libro.
O día 22 de abril en horario de 11:00 a 13:00 horas (ou ata fin de mercadoría) na Praza das Escolas Vellas, en fronte da Casa da Cultura, os máis novos poderán atopar o seu libro de balde. Corenta e catro títulos e máis de oitenta exemplares para a mocidade a partir dos doce anos. Eses títulos serán as propostas realizadas ao longo dos anos 2022/23, a través do programa de fomento á lectura nas redes “Abrindo Portas” da OMIX de Gondomar.
