Na mañá do pasado día 12, a Central Operativa de Tráfico do Subsector de Tráfico da Comandancia da Garda Civil de Pontevedra, recibiu varias chamadas de condutores informando que á altura do Km 10,000 da Autovía A-55 (Vigo-Tui), sentido Vigo, no termo municipal de Mos, un camión cisterna articulado, sufrira un contratempo coñecido como “tesoira”, iniciando a continuación a súa macha, pero facéndoo en sentido contrario, ata unha gasolineira próxima, poñendo nun evidente perigo ao resto dos usuarios da vía.
Unha patrulla do Destacamento de Tráfico do Porriño, así como o Grupo de Investigación e Análise de Tráfico do Subsector de Tráfico de Pontevedra, desprazáronse ao lugar, localizando ao camión articulado na estación de servizo, identificando o seu condutor, un home de 34 anos de idade e procedendo á súa investigación como autor dun suposto delito contra a seguridade viaria, ao conducir un vehículo de motor de forma temeraria, creando unha situación de evidente risco ou perigo, cuxas dilixencias se entregaron no Xulgado de Garda do Porriño.
O Subsector de Tráfico de Pontevedra quere agradecer a todos os cidadáns en xeral, e aos usuarios que circulan polas diferentes vías en particular, a colaboración que veñen realizando ao advertir de todas aquelas conducións irregulares que observen, xa que pode con iso evitarse situacións de risco para a seguridade viaria.
