Esta fin de semana celebrouse na Praia de Patos a primeira etapa da Liga Galega de Surf Júnior e Kids. O bo tempo e as boas condicións fixeron que os participantes puidesen demostrar todo o seu potencial.
O sábado amenceu con algo de choiva e unha ondada en torno ao metro pasado, ondas rápidas e pouco vento, pero pola tarde subiu o vento o que fixo da Praia de Patos o escenario ideal para que as categorías Júnior (SUB 21/18/16) desen o mellor de si. O domingo houbo ondas de medio metro ideais para as categorías Kids (SUB 14/12/10). O bo tempo e o sol de primavera fixeron que amigos, familiares e curiosos achegásense ata a Praia de Patos para gozar desta segunda fin de semana de competición.
Ademais, o sábado participantes e asistentes puideron gozar dunha festa de celebración en El Monopatín (Rúa Tomás Mirambell, 101, 36340 Nigrán) na que ademais houbo concerto en directo da banda Killer Spirit.
A 1ª Etapa de Liga Galega de Surf Júniors e Kids está organizada pola Federación Galega de Surf e Bodboard, Prado Surf Escola e o Concello de Nigrán. Ademais, a proba conta co apoio dos patrocinadores Alumisel, Agua Sana, Solo Imprenta e Clínica Dental Fontán & DeBrito, e coa colaboración especial de Mission Surf Shope, Deputación de Pontevedra, Xunta de Galicia e Deporte Galego.
