Lucenza – Ateneo de Nigrán organiza este venres 31 de marzo, ás 20:00 horas, no Centro da Terceira Idade da Ramallosa (antiga estación do tranvía), unha charla sobre a historia do feminismo en Irán, dentro do programa “Outras realidades, outras culturas” que promove o Ateneo.
Trátase dun achegamento á vida das mulleres iranianas e á diversidade cultural deste país, da man da refuxiada en Vigo, Khorramdel Sedigheh, que estará acompañada por Carmen Pastor Izquierdo, traballadora no eido social de axuda á emigración e intérprete. O acto será presentado por Amaia Pérez-Izaguirre, compañeira de Lucenza e activista feminista.
