Este pasado sábado día 11 de marzo celebrouse o Campionato de Galicia Sub-16 de pista cuberta en Expourense, onde o atleta gondomareño Adrián Bernárdez Domínguez proclamouse subcampión galego na proba dos 300 metros lisos cun tempo de 37.45, subindo así ao podio e obtendo a súa medalla de prata. No mesmo campionato este atleta da Sociedade Atlética Val Miñor tamén tomou parte nos 60 metros lisos, acabando nun cuarto posto nunha final de infarto, onde se tivo que acudir á photo finish para dilucidar as primeiras posicións.
Acompañando a Adrián no devandito campionato galego e competindo a moi bo nivel estiveron tamén os seus compañeiros e compañeiras Adrián Lages, 600 ml; Lucía García, 60 ml e 300 ml; Alexandra Álvarez, 1.000 ml; Nohara Pousa, 60 ml e 300 ml; Isis Acea, 600 ml; e Fernando Álvarez, 60 ml. Próxima cita para os atletas da Sociedade Atlética Val Miñor o Campionato de España Sub-16 de pista cuberta que tamén se celebrará en Expourense os próximos días 25 e 26 deste mes de marzo.
