A Garda Civil de Pontevedra procede á incautación dun total de 4.280 plantas de marihuana en servizos realizados por diferentes postos e unidades da Comandancia. A intensificación destes controis coincide co período estival, momento en que se produce a súa maduración e recolección das plantas.
As investigacións levadas a cabo durante os meses de xullo, agosto e setembro por efectivos de Seguridade Cidadá dos Postos da Garda Civil da provincia, así como Patrullas Fiscais e Fronteiras, (PAFIF), SEPRONA e Equipos Territoriais de Policía Xudicial, contando en ocasións coa axuda do Servizo Aéreo.
As plantacións localizáronse en zonas forestais arboredos ocultos entre a vexetación autóctona, en invernadoiros, leiras rústicas, xardíns anexos a vivendas, e naves industriais. A plantación máis importante interveuse en demarcación do Posto da Garda Civil de Cerdedo-Cotobade, cun total de 3.437 plantas intervidas.
Plantacións de menor entidade, localizáronse polos Postos da Garda Civil de Soutomaior, Sanxenxo, Cambados, Cuntis, Caldas de Reis, Mos, Gondomar, Baiona, Marín, Moaña, O Porriño, Ponteareas, Salvaterra do Miño, Tomiño, Covelo, Arbo e Tui, nas súas respectivas demarcacións.
Para a resolución dalgúns dos servizos realizados, resultou fundamental a colaboración cidadá. Todos os operativos concluíron co corte e pesada das plantas aprehendidas e a posta a disposición xudicial no seu caso, dos responsables das mesmas.
