O Centro Cultural de Chaín organiza esta fin de semana diversos actos culturais na honra da Virxe da Merced. A programación prevista arrancará o venres día 23 de setembro ás 22:00 horas coa actuación do grupo La Patrulla e DJ Amarok. O sábado día 24 comezará ás 11:30 da mañá coa entrada e presentación no recinto da Capela da Merced da Banda da Agrupación Musical de Vincios. Ás 12:00 do mediodía se celebrará a Misa Solemne cantada pola Coral do Centro Cultural “A Merced” de Chaín, e ao rematar, a Banda da Agrupación Musical de Vincios ofrecerá un concerto. Finalmente, pola noite, ás 22:00 horas, actuarán os grupos Take It Easy e Conexión.
