Este sábado xogouse nos campos da Casa de Cultura de Camos o Campionato de España individual de segunda categoría de bolo celta. Participaron un total de 16 xogadores das comunidades de Asturias, Galicia e Madrid. O resultado final do mesmo foi:
- Campión de España o xogador do club de bolos Compastur de Tineo-Asturias, José Ramón Fernández (Jota).
- Subcampión o xogador Ismael Fernández do club de bolos San Cibrán de Gondomar.
- Terceiro clasificado, Enrique Rouco do club Santiago de Parada de Nigrán.
- Cuarto clasificado, Santiago Fernández, independiente de Tineo-Asturias.
Por outro lado, este domingo xogarase no Centro Asturiano de Madrid a fase final do Campionato de España individual de primeira categoría, así como o Campionato de Seleccións Autonómicas. A próxima fin de semana rematan os Campionatos de España en Nigrán coa disputa dos Campionatos de parellas mixtas e os femininos individual e por parellas.
