O sorteo da Lotería Primitiva celebrado este xoves deixa en Nigrán un premio de 1.323.978,28 euros. O único boleto existente de Primeira Categoría (6 acertos) foi validado no Despacho Receptor nº 86.105, situado en Paseo Marítimo, 15 (Panxón).
A combinación gañadora correspondeu aos números 40, 8, 26, 3, 21, 22, complementario 37 e reintegro 1.
Non existen boletos acertantes de Categoría Especial (6 acertos + Reintegro), polo que co Bote xerado que se poñerá en xogo no próximo sorteo da Primitiva, un único acertante de Primeira Categoría con Categoría Especial podería gañar 2.500.000,00 euros.
De Segunda Categoría (5 acertos + Complementario) existen cinco boletos acertantes que foron validados na Administración de Loterías nº 1 de Aracena (Huelva), na nº 1 de Medina de Rioseco (Valladolid), na nº 451 de Madrid, no Despacho Receptor, nº 21.560 de Conil de la Frontera (Cádiz), e no nº 32.145 de Elxe (Alacante).
O 8 de abril de 2021, o Sorteo da Lotería Nacional deixou un primeiro premio de 300.000 euros á serie neste mesmo establecemento.
