Máis dun centenar de alumnos do Colegio Estudio de Chandebrito, en Nigrán, asistiron esta semana ás charlas do “Plan Director para a convivencia e a mellora da seguridade nos centros educativos e as súas contornas” impartidas polos formadores do Posto Principal da Garda Civil de Baiona-Nigrán, sobre o acoso escolar e as novas tecnoloxías.
Este Plan é unha iniciativa do Ministerio de Educación e Formación Profesional, o Ministerio do Interior e o Ministerio de Sanidade que ten como obxectivo poñer ao dispor dos centros educativos diferentes conferencias e actividades educativas impartidas polas Forzas e Corpos de Seguridade do Estado e encamiñadas, entre outros, a previr o acoso escolar, o consumo de drogas e alcol, condutas incívicas, violentas e vandálicas, o racismo, a xenofobia e a intolerancia, a violencia sobre a muller, a discriminación por razón de sexo ou orientación sexual, así como a concienciar sobre os riscos de seguridade asociados ás novas tecnoloxías e ao uso de redes sociais.
