O Club de Loita Sabarís participou esta fin de semana nos Campionatos de España Escolar, Cadete e Sub 23 de Loitas Olímpicas, celebrados no Pavillón Municipal de Santa Isabel en Santiago de Compostela.
Na categoría escolar 41 kg, o nigranés Donis Fernández logrou a medalla de bronce. Pedro Fernández Míguez quedou a un combate para a medalla en 44 kg, ocupando o 5º posto.
En categoría cadete participaron os gondomareños Lois Cabreira (71 kg) e Anxo Lomba (48 kg), que non conseguiron medalla, finalizando en 13ª e 4ª posición respectivamente.
Na categoría Sub-23 David González (57 kg) proclamouse subcampión de España. Diego Otero (74 kg) non obtivo medalla, ocupando o 9º posto.
