O Instituto de Estudos Miñoráns inicia este venres 25 de marzo o Ciclo Decrecemento. No primeiro relatorio, que comezará ás 20:00 horas na Aula de Cultura Ponte de Rosas (Avda. da Feira, 10, baixo en Gondomar), Xoán Doldán García falará da crise enerxética e o decrecemento. Decano da facultade de Ciencias Económicas e Empresariais da USC, ex director do INEGA e vicepresidente da Asociación “Véspera de nada. Por unha Galicia sen petróleo”. Colabora coa Rede para o decrecemento de Galiza, Navia-Eo, O Bierzo. O acto estará presentado por Remedios Copa, desta mesma Rede.
