O barrio de Prado, na parroquia gondomareña de Morgadáns, celebra esta fin de semana as festas na honra de San Xosé. O sábado 19 de marzo ás 12:00 do mediodía celebrarase a Santa Misa seguida de procesión acompañada pola charanga Vai de Baile. A partir das 13:00 horas comezarán as tradicionais “poxas”, a cargo de Carlos Riveiro. Pola noite, a gran verbena estará amenizada pola orquestra Miramar e a discoteca móbil Fabrik. O domingo día 20, a partir das 20:00 horas, actuará o trío musical 3.com. O torreiro estará cuberto cunha carpa.
