Máis de 150.000 peregrinos consultaron establecementos hostaleiros no buscador de aloxamentos do Camiño de Santiago que Correos puxo en marcha este ano Xacobeo.
O primeiro buscador específico para peregrinos converteuse nunha das seccións máis demandadas de http://www.elcaminoconcorreos.com, unha web con máis de 2 millóns de visitas anuais na que Correos ofrece información dos seus servizos para os peregrinos e unha descrición detallada das etapas dos distintos Roteiros.
No buscador, os peregrinos poden atopar información de máis de 4.000 albergues, hostais, pensións e hoteis presentes nos dez Roteiros Xacobeos máis populares de España. Os interesados só teñen que acceder a http://www.elcaminoconcorreos.com/es/alojamientos e consultar os establecementos dispoñibles no Camiño e na etapa elixidos.
Ademais de prestar un servizo máis aos peregrinos, Correos ofrece promoción aos aloxamentos presentes nos Roteiros Xacobeos. Os establecementos hostaleiros interesados poderán darse a coñecer entre os peregrinos a través dun sistema de destacados, sobre o que poden informarse a través de alojamientosdelcamino@correos.com.
Correos no Ano Xacobeo 2021/2022
Este buscador de aloxamentos súmase este ano Xacobeo aos servizos que Correos pon ao dispor dos peregrinos e que recolle no portal http://www.elcaminoconcorreos.com.
Desde o 1 de novembro desde Sarria, e a partir de primavera en todos os Camiños de Santiago, Correos realiza o Paq Mochila, o transporte de maletas e mochilas da peregrinos etapa a etapa. Pódese reservar e pagar en liña e conta cun sistema de notificacións que avisa ao peregtrino da recollida e entrega da súa equipaxe.
Ademais do Paq Mochila, o Paq Peregrino -envío de maletas e paquetes a calquera punto do Camiño de Santiago- ou o Paq Bicicleta, un servizo de envío de bicicletas ao comezo do roteiro ou de volta ao finalizar o Camiño.
Ao chegar a Santiago de Compostela, os peregrinos tamén poden beneficiarse do servizo de consigna que Correos ofrece na oficina de Rúa do Franco, 4, a dous minutos da Praza do Obradoiro.
