As responsables dos tres Círculos de Podemos do Val Miñor reuníronse na tarde de onte coa súa dirección Autonómica para afrontar os retos e obxectivos locais de cara á celebración das próximas eleccións municipais previstas para o próximo ano 2023.
As corporacións dos tres municipios expuxeron todo o traballo feito ata o de agora, así como as necesidades que máis demanda a cidadanía en cada municipio, de cara a poder facer propostas locais (algunhas xa incorporadas á redacción do programa electoral) e outras tamén autonómicas ou estatais para instar aos seus respectivos Alcaldes e equipos de goberno en cada Concello, a Xunta ou o Goberno do Estado a dar solucións.
Tras a reunión, puxéronse varias propostas en común, sendo a máis importante a de convidar á cidadanía a participar activamente, contribuíndo e animándoa a que compartan as súas necesidades a través das canles que dispoñen de contacto (correo, rrss, teléfono) ou achegándose ás reunións locais para tratar os diferentes temas, dando así máis representación á propia cidadanía.
