Hoxe celébrase o Día Nacional do TDAH (Trastorno por Déficit de Atención e Hiperactividade), convocado por federacións e asociacións que queren visibilizar a existencia deste trastorno na nosa sociedade, e demandar máis axudas e apoios por parte da cidadanía e as administracións.
Gondomar súmase a esta xornada e ás súas demandas centradas en lograr maior investigación, a formación e normalización social dun trastorno que, a día de hoxe, segue supoñendo un estigma para moitas persoas que o padecen.
Coincidindo con esta data este venres 29 de outubro no Centro Neural ás 19:00 horas, a OMIX desenvolverá un obradoiro e conferencia sobre o TDAH a cargo da psicóloga Paula Rodríguez, titulados “TDAH, máis aló do diagnóstico”. Máis info no 986.369746
