Este sábado 16 de outubro, o Club de Patinaxe Artística Gondomar tivo a súa representación na segunda fase da categoría rexional de Pontevedra, conseguindo subir ao podio en Porriño co seu programa curto individual cunha puntuación de 32,5.
A patinadora Adriana Comesaña conseguiu o bronce na súa categoría. A deportista estivo acompañada do seu equipo técnico, destacando ao seu adestrador e coreógrafo David Figueroa, quen a acompañou ao longo da mañá, e á súa preparadora física María Nombela.
A competición foi organizada polo Club Patín Porriño no seu pavillón municipal, comezando os adestramentos “contacto pista” da categoría benxamín feminino ás 9:30 da mañá e finalizando a competición en horario de tarde coa categoría alevín.
