Máis de corenta persoas participan nun paseo saudable en Baiona

Máis de corenta persoas participaron esta mañá no paseo saudable pola zona de Monte Boi, paseo que rodea ao Parador, que organizou a Concellería de Mobilidade do Concello de Baiona. Esta actividade, que forma parte da programación que se deseñou con motivo da Semana Europea da Mobilidade partiu ás 10:30 desde o paseo que se inicia en Monte Boi.

O historiador local Anxo Rodríguez Lemos acompañou aos camiñantes e foi o guía encargado de poñer en coñecemento dos participantes a historia do lugar. O grupo detívose en tres enclaves importantes para facer un repaso da historia. En concreto, detivéronse na Praia “Os Frades”, na Punta do Boi, e na Porta de Felipe IV.

Entre as persoas participantes atópanse usuarios e usuarias da Asociación Vontade, da Asociación Avelaíña e dos programas que o Concello de Baiona en colaboración con AFAGA está a impartir no municipio.

Unha marcha que contou con elementos de axuda para persoas con mobilidade reducida, mantendo o espírito de dar voz e voto á cidadanía co fin de ir creando espazos en nosa contorna, máis saudables, máis accesibles, máis cordiais… sempre escoitando as necesidades e recomendacións que a cidadanía, colectivos, asociacións, educadores, etc.