Telefónica leva o 5G a Baiona e Nigrán

Telefónica logrou superar os seus plans iniciais de despregamento de 5G en Galicia e concluíu o ano 2020 poñendo esta tecnoloxía a disposición ao 78% da poboación galega. 129 municipios galegos, entre eles Baiona e Nigrán, teñen xa despregado polo menos un nodo 5G, o que significa que, desde finais do pasado ano, máis de ‪2.184.000‬ galegos poden acceder a este servizo se dispoñen dun terminal adecuado.

Por provincias, A Coruña ten xa 51 concellos con nodos 5G de Telefónica, que dan servizo ao 82% da súa poboación, mentres en 38 municipios da provincia de Pontevedra despregáronse nodos que dan cobertura ao 85% da poboación. Na provincia de Ourense despregáronse en 18 concellos, dando así servizo 5G ao 57% da poboación, e en Lugo en 22 concellos, cubrindo ao 62% da poboación.

Tal e como destacou o máximo responsable de Telefónica en Galicia e director de Administracións Públicas do Territorio Norte, Manuel Ángel Alonso, durante un encontro con medios de comunicación celebrado o pasado mes outubro en Santiago, o aceso de 5G súmase á “enorme capilaridade do LTE, 4G e 3G de Telefónica en Galicia, que se sitúa no 99% da poboación, o que significa que esta comunidade autónoma ten unha cobertura de banda ancha móbil por encima da media nacional e sen parangón en Europa˝.

En relación ao tipo de tecnoloxía 5G empregada, nesta primeira fase utilízanse emprazamentos e infraestruturas actuais para lanzar a rede 5G con arquitectura NSA (Non Stand Alone), e despregarase a rede 5G SA (Stand Alone) cando a tecnoloxía estea plenamente dispoñible despois da estandarización.

Grazas ao 5G, os usuarios poderán descargarse na súa casa unha película en segundos. Aqueles que sexan afeccionados ao gaming contarán cunha experiencia en mobilidade similar á que lles achega a fibra no fogar, sen interrupcións ou latencia. Así, o 5G permitirá xogar no teléfono móbil coma se estivésese na pantalla do computador de casa ou nunha vídeo consola.

Para as empresas, destacan os servizos de Multiaccess Edge Computing, que ofrecen ultra baixa latencia e unha maior capacidade de cómputo ao bordo da rede, ademais de servizos como as redes privadas 5G, o IoT masivo e as comunicacións críticas, xunto á virtualización da rede, que facilita utilizar os recursos de redes de forma máis eficaz en función das necesidades dos clientes. O 5G será fundamental tamén para o desenvolvemento da chamada Industria 4.0 e para todos os servizos relacionados coa Saúde ou a Educación.

Pontevedra Galicia 36034 Neves, As
Pontevedra Galicia 36035 Nigrán
Pontevedra Galicia 36037 Pazos de Borbén
Pontevedra Galicia 36038 Pontevedra
Pontevedra Galicia 36039 Porriño, O
Pontevedra Galicia 36040 Portas
Pontevedra Galicia 36041 Poio
Pontevedra Galicia 36042 Ponteareas
Pontevedra Galicia 36045 Redondela
Pontevedra Galicia 36046 Ribadumia
Pontevedra Galicia 36048 Rosal, O
Pontevedra Galicia 36049 Salceda de Caselas
Pontevedra Galicia 36050 Salvaterra de Miño
Pontevedra Galicia 36051 Sanxenxo
Pontevedra Galicia 36052 Silleda
Pontevedra Galicia 36054 Tomiño
Pontevedra Galicia 36055 Tui
Pontevedra Galicia 36056 Valga
Pontevedra Galicia 36057 Vigo
Pontevedra Galicia 36058 Vilaboa
Pontevedra Galicia 36060 Vilagarcía de Arousa
Pontevedra Galicia 36061 Vilanova de Arousa
Pontevedra Galicia 36901 Illa de Arousa, A