Un home de 96 anos de idade que fora diagnosticado por coronavirus faleceu este mércores na Residencia Vila do Conde de Gondomar. Segundo informou a Consellería de Sanidade, tiña patoloxías previas. Con este, xa son 11 os usuarios e usuarias do centro situado na parroquia de Vilaza os que morreron con Covid-19. Tres mulleres faleceron no Hospital Álvaro Cunqueiro de Vigo e dous homes e outras seis usuarias na propia residencia. O Sergas comunicou hoxe un total de 4 persoas falecidas que foran diagnosticadas por coronavirus. Ademais do usuario da residencia gondomareña, morreu unha muller de 80 anos no Chou, e dous homes no Chuvi, de 89 e 84 anos respectivamente, este último procedente da Residencia de Maiores de Cesantes-Redondela.
Falece outro usuario da Residencia Vila do Conde de Gondomar
