A Consellería de Sanidade vén de informar que outros 15 usuarios da Residencia Vila do Conde de Gondomar que deran positivo por coronavirus retíranse do cómputo tras obter un resultado negativo. Con estes datos, a día de hoxe quedan 15 maiores e 5 traballadores contaxiados no centro situado na parroquia de Vilaza. Así mesmo, dez usuarias e usuarios faleceron nos últimos días, tres mulleres no Hospital Álvaro Cunqueiro de Vigo e un home e outras seis usuarias na propia residencia. Todos eles tiñan patoloxías previas. Os datos actualizados este sábado arroxan un total de 133 maiores usuarios de residencias e 123 traballadores contaxiados en Galicia. No que respecta aos centros para persoas con discapacidade, hai 6 casos positivos entre os usuarios e 5 entre os traballadores.
Outros 15 usuarios da Residencia Vila do Conde superan o coronavirus
