Unha muller de 89 anos de idade que fora diagnosticada por coronavirus faleceu este xoves na Residencia Vila do Conde de Gondomar. Segundo informou a Consellería de Sanidade, tiña patoloxías previas. Con esta, xa son 9 os usuarios e usuarias do centro situado na parroquia de Vilaza os que morreron con Covid-19. Dúas mulleres faleceron no Hospital Álvaro Cunqueiro de Vigo e un home e outras seis usuarias na propia residencia. O Sergas comunicou hoxe un total de 5 persoas falecidas que foran diagnosticadas por coronavirus. Ademais do caso de Gondomar, morreu unha muller de 84 anos no Chus (procedente da Residencia de Vilalba), e tres homes, de 83, 92 e 81 anos, o primeiro no Chuo e os outros dous no Chuac.
Falece outra usuaria da Residencia Vila do Conde de Gondomar con Covid-19
