A Consellería de Sanidade vén de informar que 17 traballadores da Residencia Vila do Conde de Gondomar que deran positivo por coronavirus retíranse do cómputo tras obter un resultado negativo. Con estes datos, a día de hoxe quedan 66 maiores e 5 traballadores contaxiados no centro situado na parroquia de Vilaza. Así mesmo, seis usuarias faleceron nos últimos días, de entre 82 e 97 anos, dúas no Hospital Álvaro Cunqueiro de Vigo e outras catro na propia residencia. Todas elas tiñan patoloxías previas. Os datos actualizados este sábado arroxan un total de 267 maiores usuarios de residencias e 163 traballadores contaxiados en Galicia. No que respecta aos centros para persoas con discapacidade, xa non hai ningún caso positivo entre os usuarios e 7 traballadores con resultado positivo.
O Sergas elimina do cómputo a 17 traballadores da Residencia Vila do Conde tras dar negativo
