A colaboración entre a administración pública e o sector privado, pensando nas persoas con máis necesidades neste momento, volveuse a concretar en Gondomar nesta ocasión da man da oficina de Caixabank neste municipio, que doará 8.000 euros para adquisición de alimentos de primeira necesidade que, mensualmente a través da Concellería de Benestar Social, fanse chegar á veciñanza con problemas económicos. O alcalde, Paco Ferreira, mais a concelleira Nuria Lameiro, agradeceron hoxe a achega ao director de Caixabank en Gondomar, Alberto Sorribes, e á súa directora de Área de Negocio Pontevedra Sur, Elena Rodríguez.
