Este venres faleceu Ramón González González aos 85 anos de idade. Directivo do Gondomar Club de Fútbol durante moitos anos, tamén foi membro da Comisión de Festas de San Bieito e axudaba á parroquia en Semana Santa, un home moi querido na vila de Gondomar. Os seus restos mortais sairán este sábado, día 12 de setembro, ás 16:15 da tarde desde o Tanatorio do Miñor en Sabarís dirección á igrexa parroquial de San Bieito en Gondomar, onde se celebrarán os funerais ás 16:30 horas. A continuación terá lugar o enterro no cemiterio municipal.
