O brote de Covid-19 asociado a dúas reunións xuvenís de ata 20 persoas en dous domicilios particulares, en Vigo e Nigrán, suma 8 novos positivos e alcanza os 23 casos confirmados por PCR.
Este xoves informaban desde o Sergas que se detectaron 15 casos confirmados entre os mesmos novos e algúns dos seus contactos e familiares, e que se estaba procedendo ao rastrexo dos contactos e cribado dos mesmos.
O dato podería seguir aumentando nas próximas horas a medida que se vaian coñecendo os resultados das probas e avancen as corentenas impostas ás persoas que mantiveron contactos estreitos cos infectados (máis de cen persoas).
