Concerto de The Riggos en Gondomar

Gondomar segue a desenvolver o seu programa “Cultura de Verán” no que esta noite está prevista a actuación do grupo “The Riggos”, a partir das 22:00 horas na Praza Paradela. O grupo de rock naceu hai nove anos, creado inicialmente por Bruno Costas e Yago Ray Costas, aos que se sumarían despois Denís Carballás e Arturo Peixoto. Comezando como formación de versións hoxe en día contan cun amplo repertorio de cancións coas que farán desta noite de venres unha velada chea de moito ritmo.