A Asociación de Empresarios e Comerciantes do Val Miñor -OVALMI- coa colaboración do Concello de Nigrán, organiza a 11ª Feira de Oportunidades do Val Miñor “Portobelo”, que se celebrará o vindeiro domingo 9 de agosto na Alameda da Ramallosa. Desde as 11:00 da mañá e ata as 21:00 horas da noite, unha trintena de establecementos da comarca ofrecerán os seus produtos a prezos rebaixados.
Ademais ás 11:00 horas haberá unha masterclass de zumba a cargo de Bambú Nigrán, ás 13:00 horas conta contos con Donde viven los cuentos, ás 18:00 horas un concerto de Marcos Rodríguez, e ás 20:00 horas teatro familiar con “A historia de Martín”, a cargo de Animar-t Teatro.
