Gondomar continúa este venres día 17 de xullo coa programación “Cultura de Verán”, cun concerto de Ameva na Praza Paradela ás 22:00 horas. Ameva é un dúo en formato acústico, con Eva á voz e Diego á guitarra e ao piano, cunha traxectoria de máis de seis anos. Actuaron en máis de 200 concertos, cun repertorio baseado en versións soul, jazz e pop de artistas moi variados, de antes e de agora.
